MINI MAKALA

 MAKALA
( Analiza Rejistu Inspesaun Motor/Kareta iha DNTT-Comoro)

ELABORA HUSI:
Naran : Fermino Sousa da Silva Martins
NRE : 2220241023
Faculdade : ICT
Departamentu : Gestão Informática
Semester : III
FACULDADE DE INFORMATION AND COMMUNICATION
TECHNOLOGY
DEPARTAMENTO GESTÃO INFORMATICA
INSTITUTE OF BUSINESS
(IOB)
2023
i

MOTO

ii

BIOGRAFIA

Hakerek na’in moris iha Venilale, 01 fulan fevreiru tinan
2003, hanesan oan da-huluk husi aman Diamantino da S.
Martins no inan Aida Maria de Sousa. Hakerek na’in
hahu nia vida estudu edukasaun formal iha EBC. Marai
Auxiliadora, iha tinan 2010 no remata iha 2016, iha tinan
2016 hakerek na’in kontinua nafatin nia estudu iha
ensinu basicu 30 ciclo EBC. Maria Auxiliadora comoro
Dili remata iha 2018. Hakerek na’in kontinua fali nia estudu iha ensinu sekundariu
iha 2019 iha Eskola Teknika Informatika de Dili. Durante hala’o estudu iha
Tékniku vokasional (ETI-DILI) hakerek na’in mos ativu iha atividade eskolar
,esájiu professional no extra kurikula. Agora dadaun hakerek kontinua ona ba
nivel superior iha Institute of Business (IOB) no ativu iha atividade eskolar sira no
agora daudaun hakerek na’in aprova ona ba Semester III.

Dili :.../..../2023
Hakerek Na’in

(Fermino Sousa da Silva Martins)
iii

LIA MAKLOKE

Ba dahuluk hakerek na’in hakarak hasa’e agradese wain ba Aman Maromák tamba nia grasa
espiritu ne’ebé haraik mai hakerek na’in hodi bele konsege elabora ona Makala ida ne’e tuir
tempu ne’ebe determina ona. Nune’e, hakerek na’in la haluha agradese ba familia bo’ot ne’ebé
durante ne’e suporta iha tempu difisil nia laran. Liu husi oportunidade ida ne’e mós, hakerek
na’in hakarak hato’o agradese wain ba parte hotu-hotu ne’ebé fó ona nia kontribuisaun direta no
indireta ba hakerek na’in sira hodi bele elabora Makala ida ne’e to’o hotu.
Liu-liu ba :
1. Dr. Pedro Ximenes SE.MM.PhD hanesan Reitor IOB ho nia estrutura tomak.
2. Antonio Napoleão da Costa L.Gi, M.Cs nu’udar Dekanu Faculdade ICT nian.
3. Maria Angela Dos Santos, S.kom nu’udar Xefe Departamentu Gestão Informática nian.
4. Antonio Soares Martins L.Ec, MSA nu’udar Xefe Akademiku iha Institute of Business
(IOB).
5. Cesario Barreto, S.Kom,M.Cs ne’ebé hanesan Docente ba Disciplina “Analiza Projetu
Orientadu Objetu”.
6. Inan Aman ne’ebé durante ne’e apoiu ona hakerek na’in liu husi apoiu ona finanseiru.
7. Ba Familia tomak ne’ebé durante ne’e apoiu ona hakerek na’in tantu husi orasaun no
apoiu finanseiru.
8. Ba kolega sira-ne’ebé fó ona kontribuisaun mai hakerek na’in sira hodi hakerek
sístemátiku ida-ne’e bele la’o ho susesu no la’o ho di’ak.
Hakerek na’in rekuñese katak Makala ida-ne’e seidauk kompletu no di’ak, nune’e hakerek
na’in simu kritíka no sujestaun husi le’e na’in sira hotu atu bele halo di’ak liu tan.

Data:...../......./2023
Hakerek Na’in

(Fermino Sousa da Silva Martins)

iv

INDISE
Moto .......................................................................................................................... i
Biografia ................................................................................................................... ii
Lian Makloke.......................................................................................................... iii
Indise ....................................................................................................................... iv
KAPITULU I
(INTRODUSAUN)
1.1. Antesedente ...................................................................................................... 1
1.2. Programasaun Orientado Objetu .................................................................. 1

KAPITULU II
(ANALIZA PROJETU)
2.1. Lala’ok Inspesaun iha DNTT-Comoro ......................................................... 2
2.2. Esplikasaun ...................................................................................................... 3
2.3. Problema .......................................................................................................... 3
2.4. Resolução.......................................................................................................... 3
KAPITULU III
(LIAN MAKTAKA)
3.1. Konkluzaun ...................................................................................................... 4
3.2. Sujestaun .......................................................................................................... 4
1

KAPITULU I
(INTRODUSAUN)

1.1. Antesendente
Analiza Orientada Objetu mak prossesu dezenvolvimentu husi software
orientadu objetu iha nebe ema atu buka observa problema ida, sistema ka tarefa no
identifika objetu no interasaun entre sira. Ho liafuan seluk, identifika saida mak bele
hala’o. Por ezemplu : Professor ida presiza koriji textu ida nebe mak manda husi alunu.
Hanesan parte ida husi analiza objetu atu identifika asaun no objetu, liu husi ida ne’e mak
ita bele foti konkluzaun katak:
 professor mak objetu ida;
 textu nebe manda husi alunu mak objetu ida;
 koriji mak hanesan asaun ida (husi professor).
1.2. Programasaun orientadu objetu
Programasaun orientadu objetu mak hanesan prossesu atu utiliza linguagem
programasaun ida atu traduz projetu ba programa ida (software) nebe halo exatamente
tuir ita nia hakarak. Ezemplu husi linguagem programasaun orientada objetu mak hanesan
: C++, Java, C#, object pascal no seluk tan.
Projetu orientadu objetu mak prossesu atu traduz rekezitu ida ba espesifikasaun
husi implementasaun (projetu). Termu “Projetu” iha ingles “design” iha
dezemvolvimentu software mak jeralmente konsidera hanesan etapa anterior ida iha
programasaun.

2

KAPITULU II

(ANALIZA PROJETU)

2.1. Lala’ok Inspesaun iha DNTT-ComoroHahu’uInspesaun Loket II Banku Loket III Remata Sala Loos

3

2.2. Esplikasaun
Tuir hakerek na’in nia analiza kona-ba diagrama nebe mak haktuir ona iha leten katak :
 Hahu’u : komesa ho foti numeru rejistu iha Loket I.
 Loket I : halo verifikasaun dadus iha Loket I.
 Inpesaun : halo inspesaun ba motor/karreta nia kondisaun molok atu ba selu iha
banku.
 Loket II : depois de inspesaun hotu ita sei hein iha Loket II atu foti resivu atu ba
selu iha banku (DNTT-Balide).
 Banku : hafoin simu resivu iha Loket II ita bele ba selu liu iha banku.
 Loket III : depois de selu tiha iha banku ita sei fila-fali mai DNTT-Comoro ka
Loket III atu entrega fila-fali resivu banku nebe selu tiha ona.
 Remata : Foti rezultadu inspesaun.
2.3. Problema
Tuir hakerek na’in nia hare’e kona-ba lalahok Rejistu Inspesaun iha DNTT-
Comoro ladun di’ak tamba sei problema iha distansia banku nebe do’ok lo’os husi fatin
inspesaun nebe mak iha kedas iha Balide.
2.4. Resolução
Hare’e ba problema ne’ebé mak iha hakere na’in hakarak fó solusaun kona-ba
problema refere, hakarek na’in hakarak husu ba estadu atu bele konstrui banku ida
DNTT-Comoro atu bele fasilita Motorista no Kondutor sira atu bele halo pagamentu de’it
iha DNTT-Comoro.
4
KAPITULU III
(LIAN MAKTAKA)
3.1. Konkluzaun
Relasiona ho projetu ida-ne’e hakerek na’in hakarak foti konkluzaun katak
analiza projetu orintadu objetu mak hanesan metodu ida oinsa ita atu bele analiza sistema
ida liu husi dadus nebe sei produz fali ba informasaun ida. No dadus ne’e produz liu husi
objetu, objetu sira ne’e mak hanesan : ema, animal, sasan no seluk-seluk tan. Hakerek
na’in mós halo komparasaun materia ho vida loron-loron nebe mak hakerek na’in haktuir
tiha ona iha makala ne’e nia laran.
3.2. Sujestaun
Bazeia ba titulu husi makala ida ne’e hakerek na’in hakarak foti sujestaun, nebe
sei haktuir iha kraik :
1. Sujere ba instituisaun publiku (DNTT-Comoro) sira atu hare’e ba
problema nebe hakerek na’in haktuir iha nia makala ida ne’e.
2. Husu ba DNTT-Comoro atu konstrui banku atu fasilita motorista/kondutor
sira atu selu lalais atu la presiza ba to’o iha DNTT-Balide.
3. Atu halo rekonstrusaun ba edifidiu DNTT-Comoro tanba komesa a’at ona.